ОРАЛ. 12 қазан. ҚазАқпарат - Батыс Қазақстан облысында биылғы тоғыз айда 1191,3 млрд. теңгенің өнеркәсіп өнімдері өндірілді, бұл өткен жылдағыдан 2,5 пайызға артық.
Облыстық статистика департаментінен хабарлағанындай, осының дені кен өндіру өнеркәсібінің үлесіне тиеді. Мұнда 1098,0 млрд. теңгенің өнімі өндіріліп, 3,9 пайызға өсті. Атап айтқанда, табиғи газ өндіру 10,6, газ конденсаты 2,6 пайызға көбейді.
Жыл басынан бері өңдеу өнеркәсібінде 70,5 млрд. теңгенің өнімі шығарылып, бұл өткен жылғымен салыстырғанда, мұнай өнімдерін өндіру 41,2 пайызға, машина жасау 21,7 пайызға, өзге металл емес минералдық өнімдерді өндіру 13,8 пайызға, тоқыма бұйымдарын өндіру 13,0 пайызға, резеңке және пластмасса бұйымдарын өндіру көлемі 11,0 пайызға кемуі әсерінен 14,0 пайызға азайды. Есесіне дайын металл бұйымдарын өндіру 1,6 есеге, металлургия өнеркәсібі 1,3 есеге, киім, сусындар 1,1 есеге,тамақ өнімдерін өндіру 9,7 пайызға өсті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).