ОРАЛ. 24 қазан. ҚазАқпарат - Батыс Қазақстан облысында тұрғындардың тұрмыс жағдайы жақсаруына байланысты тұтыну сұранысы жоғарылап, бөлшек сауда айналымы биылғы тоғыз айда 122,7 млрд. теңгеге жетіп, өткен жылмен салыстырғанда, өсім 24,2 пайызды құрады.
Облыс әкімі Нұрлан Ноғаевтың айтуынша, бұл - республикадағы үшінші көрсеткіш.
Облыстық статистика департаментінен алынған мәліметке қарағанда, жыл басынан бері соның ішінде сауда кәсіпорындары 53,6 млрд. теңге, базарлардағы сатушылар мен сауда нысандары бар жеке кәсіпкерлер 69,1 млрд. теңгенің бөлшек тауарын өткізді.
Бөлшек сауда құрылымында азық-түліктік емес тауарлар басым (61,5 пайыз).
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).