ОРАЛ. ҚазАқпарат - 19-22 маусым аралығында өтіп жатқан «Қауіпсіз жол» республикалық алдын алу шарасы барысында Батыс Қазақстан облысында үш күнде 1205 жол ережесін бұзушылық тіркелді.
БҚО ІІД әкімшілік полициясы басқармасынан түскен мәліметке қарағанда, соның ішінде спирттік ішімдік ішкен және есірткіге елтіген күйінде 34 адам ұсталды. Сондай-ақ 26 адам көлік басқару құқығынсыз айдаған. 128 жүргізуші көлік жылдамдығын шектен тыс арттырғаны үшін тоқтатылса, 89 адам жаяу жүргінші өтуге болмайтын жерден өткені үшін қолға түсті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).