ОРАЛ. 24 қаңтар. ҚазАқпарат /Елжан Ералы/ - Қаратөбе ауданы Шөптікөл ауылдық округіндегі Үшағаш елді мекенінде 108 орындық мектептің іргетасы қаланды.
Аудан әкімі Наурызбай Қарағойшиннің атап өткеніндей, бұл құрылыстың аталмыш ауыл үшін маңызы зор. Өйткені 1966 жылы салынған ескі мектеп жөндеуге келмейді. Аудан басшысы осы өңірден сайланған облыстық мәслихат депутаты, «ҚПО б.в.» үкіметпен байланыс жөніндегі директоры Нұржан Камалов пен мердігер ұйым «ОралИнвестСтрой» компаниясының басшысы Александр Бизьяновқа ауыл тұрғындарына қамқорлықтары үшін ризашылығын білдірді. Құрылысшылар уәде етіп отырғанындай, қос қабатты, қазіргі заманғы мектеп бес айда салынып бітпек.
Сондай-ақ биыл ауылға табиғи газ да келетін болады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).