ОРАЛ. 19 наурыз. ҚазАқпарат - 1998-1999 жылғы жасөспірімдер арасында бокстан облыс чемпионаты мәреге жетті.
Облыстық туризм, дене шынықтыру және спорт басқармасынан түскен мәліметке қарағанда, біріншілікке Зеленов, Қазталов, Шыңғырлау аудандарынан, Зеленовтың Достық ауылынан, Ақсай қаласынан және спортқа дарынды балаларға арналған мектеп-интернаты мен бокстан балалар-жасөспірімдер спорт мектебінен командалар қатысты. Жалпыкомандалық есепте бокс мектебінің шәкірттері бірінші орынды иеленді. Жекелеген салмақ дәрежелері бойынша Әлішер Бұланаев (32 кг), Жандыр Сұлтанғалиев (38 кг), Тимур Ермаш (42 кг), Айдар Жәутіков (50 кг), Нұрсұлтан Бақтығалиев (60 кг), Олжас Шакелов (63 кг) жеңімпаз атанды. Бұлардың бапкерлері - Нұрсұлтан Қонарбаев пен Рустам Сариев.
Шыңғырлаулықтар - екінші, қазталовтықтар үшінші орынды еншіледі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).