ОРАЛ. 1 желтоқсан. ҚазАқпарат /Елжан Ералы/ - Батыс Қазақстан облысында ЖҚТБ-мен күрес күніне орай шаралар өткізілуде.
«БҚО жастар қауымдастығы» заңды тұлғалар бірлестігінің және «Ашық қоғам» қоғамдық бірлестігінің ұйымдастыруымен «Қолдаймыз! Қорғаймыз! Сақтаймыз!» атты кеше басталған шара ертеңге дейін жалғаспақ. Шара барысында қаладағы оқу орындарында семинар-тренингтер, «Орал» ойын-сауық орталығында флеш-моб ұйымдастырылып отыр. Тұрғындарға, әсіресе, жастарға ғасыр дерті туралы мағлұматтар беріліп, сұрақтарына жауап қайтарылады.
«ЖҚТБ-ға жол жоқ!» ұранымен «Біз салауатты өмір салтын қолдаймыз» атты шара Ы.Алтынсарин атындағы орта мектепте де өткізілді. 8-11 сынып оқушылары қатысқан шарада аталмыш тақырыпта кітап көрмесі ұйымдастырылып, бейнефильм көрсетілді. Оқушыларға кітапшалар таратылып, олардың өздері де нашақорлық жөнінде өз ойларын айтты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).