ОРАЛ. 24 қараша. ҚазАқпарат /Елжан Ералы/ - Батыс Қазақстан облысында биылғы он айда 225 жол-көлік оқиғасы тіркеліп, соның салдарынан 59 адам қаза тауып, 217-сі түрлі жарақат алған.
Облыстық жол полициясы басқармасынан түскен мәліметке қарағанда, өткен жылдың осы кезеңімен салыстырғанда, сәйкесінше аталмыш көрсеткіштер 37,2, 23 және 49 пайызға өсіп отыр. Жол-көлік оқиғасының тең жартысынан астамы немесе 52 пайызы жаяу жүргіншілерді қағып кетуге байланысты болса, 24 пайызы автокөліктердің бір-бірімен немесе басқа кедергілермен соқтығысуы болып отыр. Жол ережесін бұзушылық 2010 жылғы он айда 64 мың болса, биыл 66941-ге жеткен.
Қоғамдық көлік жүргізушілері сегіз жол апатына тап болып, соның салдарынан бір адам көз жұмып, жетеуі жарақат алған.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).