АЛ. 28 қараша. ҚазАқпарат /Елжан Ералы/ - 26 қараша күні өңірдегі барлық балалар үйінде «Барлық жақсылық балаларға!» ұранымен қайырымдылық шаралары өткізілді.
Аталмыш мереке «Бөбек» қорының президенті Сара Назарбаеваның бастамасымен 2009 жылғы 26 қарашадан бері ұйымдастырылып келеді. Биыл тәуелсіздіктің 20 жылдығымен тұспа-тұс келіп отырған шараның басты мақсаты - жетім балаларға отбасылық мейрам жасау.
Бұл күні облыс әкімінің орынбасары Ербол Салықов облыстық балалар үйінде болып, тәрбиеленушілерді мерекемен құттықтады. Балалар үйінің директоры Райса Наурызоваға да ізгі лебізін білдірді. Шара барысында ақ тілектер айтылып, ән шырқалды. Мерекелік дастархан жайылып, балалар тарту-таралғысыз қалған жоқ.
Облыстағы балалар үйлерінің 350-ден астам тәрбиеленушілеріне «Бөбек» қорының атынан және жергілікті кәсіпкерлердің демеушілігімен түрлі сыйлықтар табыс етілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).