ОРАЛ. 26 қыркүйек. ҚазАқпарат /Елжан Ералы/ - Дәстүрлі «Дала дарындар» облыстық шығармашыл жастар фестивалінің қорытындысы шығарылып, жеңімпаздар белгілі болды.
Байқау қорытындысында әдеби шығармадан - Ләззат Шағатай, бейнелеу, сәндік қолданбалы өнерден - Аслан Серікбаев, көркемсөз оқудан - Нұрбол Асқаров, халық музыкасынан - Азамат Шынаров, домбырамен ән айтудан - Эльмира Таудаева, вокалдан - М.Өтемісұлы атындағы Батыс Қазақстан мемлекеттік университеті студенттерінен құралған «Қорған» тобы, ұрмалы аспаптардан - Тимур Меңдіғалиев, үрлемелі аспапта ойнаудан Виталий Пархоменко бірінші орынды иеленді.
Жеңімпаздар қараша айында өтетін халықаралық «Шабыт» фестиваліне қатысады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).