ОРАЛ. 30 мамыр. ҚазАқпарат - Зеленов ауданында жергілікті фермерлік шаруашылықтарда жұмыс жасаған 80-ге жуық шетелдік азамат ұсталды.
Облыстық соттың баспасөз қызметінен хабарлағанындай, Зеленов аудандық соты Қазақстанда болу ережесін бұзған 79 шетелдік азаматқа (дені өзбекстандықтар) қатысты әкімшілік істі қарады. Олар негізінен көкөніс және бау-бақша дақылдарын өсірумен айналысқан.
Сот оларды ҚР Әкімшілік құқықбұзушылық кодексі 394-бабы бойынша айыпты деп танып, 1 тәуліктен 10 тәулікке дейін қамауға алу түрінде жаза тағайындады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).