ОРАЛ. ҚазАқпарат - Теректі ауданы Подстепный ауылында 29 желтоқсан күні учаскелік полиция бөлімшесі ашылды.
Теректіге қарағанымен, Подстепный Орал қаласына тиіп тұр әрі халықаралық маңызы бар күрежолдың бойында орналасқан, халқы да аз емес, округті 8861 тұрғын мекендейді. Сондықтан салтанатты рәсімге қатысқан Теректі ауданының әкімі Жеңіс Серікқалиев мұндай бөлімшенің маңызы зор екендігін, Елбасы тапсырмасына сәйкес ауыл тыныштығы мен тұрғындардың қауіпсіздігін қамтамасыз ету бағытында жергілікті билік органдары мен тәртіп сақшыларының тығыз байланыста жұмыс жасай беретіндігін атап өтті.
БҚО ішкі істер департаментінің бастығы Махамбет Әбисатов қылмыс атаулыға тосқауыл қою үшін жеке құрамды өз міндеттерін адал орындауға шақырды.
Полиция қызметкерлері үшін қайтадан жөнделген ғимарат қазіргі заманғы құрал-жабдықтармен толық қамтамасыз етілген.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).