ОРАЛ. 21 қазан. ҚазАқпарат - Батыс Қазақстан облыстық қазақ драма театрының 20 жылдығына орай аталмыш өнер ұжымының аудандардағы күндері жалғасуда.
Театр директоры Құжырғали Төлеуішевтің айтуынша, театр өз сапарын Сырым және Қаратөбе аудандарынан бастады. Театр әртістері әр ауданда екі күннен болып, Ғ.Мүсіреповтің «Қыз Жібек», Ш.Айтматовтың «Ақ кемесін» қойды. Сондай-ақ балаларға арналған ертегілер де ұмыт қалған жоқ. Ауыл тұрғындары елге келіп, өз өнерлерін көрсеткен әртістерге өз ризашылығын білдіруде.
Енді театр 24 қазанда Жәнібек ауданына аттанбақшы. Онда С.Ахмадтың «Суперкеліні» көрермендер назарына ұсынылмақ. Содан кейін сапар Бөкей ордасы ауданында жалғасады. Театрдың аудандарға апаратын қойылымдарының арасында С.Балғабаевтың «Ең әдемі келіншегі» де бар.
Облыстық қазақ драма театрының 20 жылдығы Оралда 12-15 қараша аралығында өтетін Батыс Қазақстан аймағындағы театрлардың форум-фестивалі аясында аталып өтіледі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).