ОРАЛ. ҚазАқпарат - 14 наурыз күні кешке қарай Сырым ауданы орталығы Жымпиты ауылында қоғамдық моншаның бу қазаны жарылды. Бұл туралы «Мой город» жаңалықтар порталында хабарланды.
Сырым аудандық төтенше жағдайлар бөлімінен түскен мәліметке қарағанда,соның салдарынан моншада болған үш адам жарақат алған. Жарылыстан моншаның біржақ қабырғасы құлаған. Тас басып қалып, ауыр жарақат алған бір жігітті Оралға алып кеткен. Екеуін қысыммен қабырғаға қарай лақтырып жіберген, олар қазір аудандық ауруханада.
Тұрғындардың айтуынша, жергілікті кәсіпкердің иелігіндегі ескі монша көрінеді.
Қазіргі таңда оқиғаның себеп-салдары анықталуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).