ОРАЛ. ҚазАқпарат - 17 наурыз күні «Қарашығанақ Петролиум Оперейтинг б.в.» компаниясында кәсіподақ ұйымының жетекшілері Анатолий Неверов пен Төлеуғали Кеңесов еңбек ұжымымен кездесіп, қазақстандық азаматтарды 26 сәуірде өтетін президенттік сайлауға белсене қатысуға шақырды.
«ҚПО б.в.» компаниясы қызметкерлері кәсіподағы ұйымының төрағасы Анатолий Неверовтің атап өткеніндей, қазақстандықтар үшін бейбітшілік пен ұлтаралық келісім - ең басты құндылық, сондықтан оларды сақтай білудің маңызы зор. «ҚПО б.в.» компаниясының да өсіп-өркендеуі еліміздегі бейбіт өмірге, барша азаматтың тату-тәтті тірлік кешуіне байланысты.
Компания локальді кәсіподақ ұйымының төрағасы Төлеуғали Кеңесов те әр қызметкердің президенттік сайлаудан тыс қалмай, азаматтық ұстанымын танытуы қажеттігін айтты. Осы компанияда еңбек етіп жүрген белгілі спортшы, сладо күресінен бірнеше мәрте әлем чемпионы Жасқайрат Сыйқов та өз әріптестерін құқықтарын дұрыс пайдаланып, дауыс беруде белсенділік танытуға шақырды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).