ОРАЛ. 22 тамыз. ҚазАқпарат - Батыс Қазақстан облысындағы мектептер жаңа оқу жылына дайын.
Облыстық білім басқармасы бастығының орынбасары Ердан Қатаевтың айтуынша, биыл өңірде 401 мектепке ағымдағы және 9 мектепке күрделі жөндеу жұмыстары жүргізілді. Күрделі жөндеуге 697 млн. 718 мың теңге, ал ағымдағы жөндеу жұмыстарына 32,6 млн. теңге, барлығы 730 млн. 318 мың теңге қаралған болатын.
Биыл Ақжайық ауданы Ақсуат ауылында 230 орындық, Орал қаласы Самал көшесі бойында 1200 орындық және 5-шағынауданда 1200 орындық мектептердің құрылыстары аяқталып, оқушыларды қабылдағалы отыр.
Мектептер бүгінгі таңда жылыту маусымына 99 пайыз дайын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).