АЛ. 3 тамыз. ҚазАқпарат /Елжан Ералы/ - Ақжайық ауданының Ақсуат ауылында С.Ошанов атындағы жаңа орта мектептің бейнелік қадасы салтанатты жағдайда қағылды.
230 оқушыға арналған оқу ордасы «Қарашығанақ Петролиум Оперейтинг б.в.» компаниясының 3 млн. доллар қаржысына бой көтермек. Аталмыш компания әлеуметтік бағдарламалар шеңберінде ауданның Сайқұдық ауылында да орта мектептің құрылысын қаржыландыратын болады.
Құрылыстың басталуына арналған митингіде жиналғандарды аудандық мәслихаттың хатшысы Дәулетжан Жақсыбаев, «Қарашығанақ Петролеум Оперейтинг б.в.» компаниясының бөлім бастығы Жәнібек Ғалиев, «Болашақ» ЖШС директоры Қайдар Қосжанов құттықтады.
«Болашақ» ЖШС құрылысшылары мектеп ғимаратын алты айда салып бітіруді көздеп отыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).