АЛ. 18 қазан. ҚазАқпарат /Елжан Ералы/ - Сырым ауданында бүгін ел тәуелсіздігінің 20 жылдығына арналған шаралар өтуде.
«Бейбітшілік пен жасампаздықтың 20 жылы» атты мерекелік шара барысында ауданның дамуына ерекше үлес қосқан азаматтарға құрмет көрсетіліп, облыстың және ауданның өңірге танымал өнерпаздары концерт қояды. Бәйге алаңында сәйгүліктер 24 шақырымдық аламан және 12 шақырымдық құнан бәйгеге сынға түседі. Сондай-ақ қыз қуу, аударыспақ, теңге алу, қазақ күресі, кір тасын көтеру және басқа ұлттық спорт түрлерінен жарыс өтеді.
-Биылғы шаралардың бәрі де тәуелсіздіктің 20 жылдығы аясында өтуде, - дейді аудан әкімі Ерлан Нысанғалиев - Осындай мейрамды ұйымдастырудағы мақсат - елдігімізді көрсетіп, Елбасымыздың сара басшылығымен бір кезде Сырым Датұлындай бабаларымыз, біртуар Алаш қайраткерлері аңсап өткен тәуелсіздікті баянды ету жолындағы кезеңімізге көз жүгірту, алдағы ой-жоспарымызды ұштай түсу.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).