АЛ. 14 қазан. ҚазАқпарат /Елжан Ералы/ - Теректі ауданында ауыл шаруашылығы қызметкерлерінің күні кеңінен аталып өтілді.
Мерекемен аудан әкімі Арман Өтеғұлов, облыс әкімінің орынбасары Ербол Салықов құттықтап, сала үздіктеріне облыс әкімінің алғысхаттары табыс етілді. Мұндай марапатқа Аңқаты ауылдық округінен «Айсұлу» шаруа қожалығының басшысы Мағауия Зайнуллин, Шағаннан «Ақас» агрофирмасының басшысы Қатауолла Ашығалиев, Новопавловтан «Мәдиев» шаруа қожалығының жетекшісі Сәлімбай Мәдиев, ақсуаттық «Батыс Күнбағыс» АҚ директоры Мұрат Жаркеев, «Тұлпар ЛТД» ЖШС директоры Валерий Голоухов ие болды. Сондай-ақ тәуелсіздіктің жиырма жылдығы қарсаңында ерен табысқа қол жеткізген өндіріс озаттары да ұмыт қалған жоқ.
«Темір тұлпар» тігілген ат бәйгесі, қыз қуу, балуандар күресі концерт пен кешкілік отшашуға ұласты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).