ОРАЛ. 12 қаңтар. ҚазАқпарат - БҚО тексеру комиссиясы 2012 жылы 5 млрд. астам теңге қаржы заңдылығын бұзушылықтың бетін ашты.
Тексеру комиссиясының төрағасы Серік Тұрсыновтың айтуынша, 147 лауазымды қызметкер жауапкершілікке тартылды. Қаржының жұмсалуына бақылау жасайтын аталмыш комиссия 1,5 жыл бойы жұмыс жасайды.
2012 жылы 152 нысанда 22216907,7 мың теңге көлеміне 89 бақылау шарасы жүргізілді. Соның нәтижесінде 5 млрд. 388 млн. 296,7 мың теңгенің заңбұзушылығы ашылса, соның 3632679,1 мың теңгесі бюджет қаржысының жұмсалуына байланысты. Барлық қаржының 58,3 пайызы немесе 3138801,9 мың теңгесі өндірілуге жатады. Қазіргі таңда соның 2968762,3 мыңы немесе 94,6 пайызы өндірілді.
147 лауазымды қызметкердің бесеуі - әкімшілік, 137-сі тәртіптік жауапкершілікке тартылса, бесеуі қызметінен босатылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).