ОРАЛ. ҚазАқпарат - Батыс Қазақстан облысында тұрғындардан травматикалық қару сатып алуға республикалық бюджет есебінен биыл 43 млн. 768 мың теңге бөлінді.
БҚО ІІД баспасөз қызметінен түскен мәліметке қарағанда, биылғы жыл басында тұрғындарда тапсырылуға тиісті 1405 қару тіркелсе, соның 578-і ұңғысыз травматикалық қару болса, 827-сі - газды-травматикалық қару. Күні бүгін облыс азаматтарынан 474 өтініш түсіп, олар 510 қаруды өз еріктерімен тапсырған. Ішкі істер органдарындағы комиссиялармен тапсырылған қаруға 14,1 млн. астам теңге көлемінде төлемақы төлеу жөнінде 226 қорытынды шығарылды.
Шара жыл бойы жүргізілетін болады. 2016 жылғы 1 қаңтардан бастап тапсырылмаған қару заңсыз болып есептеледі де, иелері ҚР ҚК 287-бабына сәйкес қылмыстық жауапкершілікке тартылады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).