ОРАЛ. 22 желтоқсан. ҚазАқпарат /Елжан Ералы/ - БҚО жол полициясы қызметкерлері биылғы он бір айда өзге де қызметтермен бірлесе отырып 738 қылмысты (өткен жылы осындай уақытта - 705) ашты.
БҚО ІІД жол полициясы басқармасынан Нұртай Лезовтың хабарлағанындай, жыл басынан бері жол полициясы қызметкерлерінің өздері 109 қылмыстың (өткен жылы он бір айда - 76) бетін ашты.
Жалпы, он бір айда өңірде 260 жол-көлік оқиғасы тіркеліп, 72 адам қаза тауып, 261-і жарақат алды. Жол апаты өткен жылғыдан 22,6 пайызға, қаза тапқандар 12,2, жарақаттанғандар 24,7 пайызға өсіп отыр. Соның ішінде балалардың қатысуымен болған жол-көлік оқиғасы 25 пайызға артқан.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).