ОРАЛ. 23 маусым. ҚазАқпарат - Аудандар рейтингіне байланысты облыс әкімінің бірінші орынбасары Ғұмар Дүйсембаевтың төрағалық етуімен көшпелі кеңес Бөкей ордасында да өткізілді.
Онда облыстық басқармалар басшылары ауданның көрсеткіштеріне тоқталып, жетістік-кемшіліктерді саралап берді.
Бөкей ордасы - облыс орталығынан ең шалғай орналасқан аудан. Мал шаруашылығымен айналысатын аудан үшін, әсіресе, Нарын құмы төрт түлік өсіруге аса қолайлы. Жиында осы мүмкіндікті молынан пайдалану, асыл тұқымды мал басын көбейту, бюджет қаржысын тиімді игеру, шағын және орта кәсіпкерлікті дамыту, әлеуметтік саланың түйткілді мәселелеріне көңіл бөлу, халықты жұмыспен қамту бағытында ұсыныстар айтылды. Осыған орай нақты жоспарлар жасалып, жүзеге асырылатын болады.
Ғ.Дүйсембаев сапар барысында аудандағы бес ауылдық округ әкіміне жаңа автокөліктердің кілттерін тапсырды
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).