ОРАЛ. ҚазАқпарат - БҚО ІІД ұйымдасқан қылмыспен күрес басқармасы, «Арлан» арнайы мақсаттағы бөлінісінің қызметкерлері Бөкей ордасы аудандық ішкі істер бөлімі жедел қызметкерлерімен бірлесе отырып, 64 жастағы ер адамды құлдықтан босатты.
Департаменттің баспасөз қызметінен түскен мәліметке қарағанда, аталған ер адам Бөкей ордасы ауданындағы қыстақтардың бірінде 2009 жылдың қаңтарынан бері заңсыз ұсталып, сонда еркінен тыс жұмыс жасаған.
Осы факті бойынша шаруа қожалығының басшысына қатысты ҚР ҚК 128-бабы 1-бөлігіне сәйкес (адам саудасы) қылмыстық іс қозғалып, тергеу амалдары жүргізілуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).