ОРАЛ. 15 қаңтар. ҚазАқпарат - Бөкей ордасы ауданы орталығы Сайқын ауылында «Балапан» бағдарламасына сәйкес бой көтерген 290 орындық «Ер Төстік» балабақшасы пайдалануға берілді.
Осыған орай өткен салтанатты рәсімде жиналғандарды облыс әкімінің бірінші орынбасары Серік Шәпкенов құттықтап, балабақша ұжымына БҚО әкімдігі атынан цифрлы пианино тарту етті. Құрылысты жүргізген «Жайықстройсервис» ЖШС директорының орынбасары Жаннат Тілеуімбетов балабақша меңгерушісі Анаргүл Мамаеваға бейнелі кілтті тапсырды.
Іші-сырты бірдей келіскен әдемі ғимаратта балғын бөбектердің тәрбиеленіп, өсуіне барлық жағдай жасалған.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).