АСТАНА. ҚазАқпарат – Таиланд астанасы Бангкок қаласында 22 жасқа дейінгілер арасында өтіп жатқан Азия чемпионатында Қазақстан қыздар құрамасы медальдар есебі бойынша үздік үштікті түйіндеді, деп хабарлайды ҚазАқпарат тілшісі.
Қазақстандық қыздар Азия додасында 2 алтын, 7 қола жүлдеге ие болды.
Медальдар көшін 5 алтын, 3 күміс, 2 қоламен Өзбекстан боксшылары бастады. 3 алтын, 1 күміс, 1 қоласы бар Таиланд құрамасы екінші орыннан көрінді.
Қыздар арасында медальдар есебі:
1. Өзбекстан — 5-3-2
2. Таиланд — 3-1-1
3. Қазақстан — 2-0-7
4. Моңғолия — 1-3-2
5. Қытай — 0-2-0
6. Вьетнам — 0-1-3
7. Непал — 0-1-2
8. Сингапур — 0-0-1
9. Индонезия — 0-0-1.
Ертең 22 жасқа дейінгілер арасында Азия чемпионатында жігіттерден алты қазақстандық боксшы алтын жүлде үшін таласады.
Еске сала кетейік, бұдан бұрын бокстан жастар арасында Азия чемпионатында қазақстандық спортшының жеңімпаз атанғанын жазған едік.
Сондай-ақ бокстан жастар арасында Азия чемпионатында Гүлсая Ержан алтын алды.
Фото: Instagram/boxingkazakhstan
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).