ОРАЛ. 20 желтоқсан. ҚазАқпарат - Батыс Қазақстан облысында бір қызметкердің қараша айындағы орташа жалақысы 98536 теңгені құрады.
Облыстық статистика департаментінен түскен мәліметке қарағанда, бұл өткен жылғы осы айдағыдан 11,8 пайызға артық.
Өңірде жоғары еңбекақы өнеркәсіпте - 201,5 мың теңге (облыстық көрсеткіштен 2 есеге артық), әкімшілік және қосалқы қызмет көрсету саласы (141 мың теңге) мен құрылыста - 139,3 мың теңге (1,4 есе), қаржы мен сақтандыру қызметінде - 120,9 мың теңге (1,2 есе), ақпарат және байланыста - 110,2 мың теңге (1,1 есе), кәсіби, ғылыми және техникалық қызмет (103,7 мың теңге) пен көлік және қоймалауда - 102,7 мың теңге (1,0 есеге көп).
Ең төменгі жалақыны өнер, ойын-сауық және демалыс саласында жұмыс жасайтындар алады, бұл облыстық көрсеткіштің 54,6 пайызына тең.
Аумақтық жағынан алғанда, ең қомақты жалақы Бөрлі ауданында 239 мың теңгеге жетті, бұл облыстық деңгейден 2,4 есеге көп.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).