ОРАЛ. 9 қараша. ҚазАқпарат /Елжан Ералы/ - Батыс Қазақстан облысы Бөрлі ауданындағы тоғыз ауыл мектебі «Газель» шағын автобустарымен қамтамасыз етілді.
Бұлардың бәрі де бюджет қаржысына алынып берілді. Аудан әкімі Болат Шәкімовтің сөзіне қарағанда, қазіргі кезде 17 білім ошағының өз көлігі бар. Енді олар өз шәкірттерін аудандық, облыстық жарыстарға, түрлі мәдени шараларға еш қиналыссыз жеткізетін болады. Сонымен қатар 15 мектептің жылыту қазандығына қазынаның қаржысы есебінен дизельді электр стансалары сатып алынып, орнатылды.
Бұған дейін биылғы оқу жылы қарсаңында «ҚПО б.в.» компаниясы кеніштің айналасында орналасқан ауылдық мектептерге 6 автобусты сыйға тартса, жаңадан салынған №6 орта мектепке облыс әкімі Бақтықожа Ізмұхамбетов «ПАЗ» автобусын тарту еткен болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).