Республиканың батысы мен солтүстік-батысында атмосфералық ағымдардың ығысуымен жауын-шашындар мен күшті желдер күтілуде.
Атап айтқанда, бүгін Атырау, күндіз Батыс Қазақстан, Ақтөбе облыстарының кей жерлерінде жел күшейіп, оның екпіні секундына 15-20 метрді құрайтын болады.
Қостанай облысының жекелеген аумақтарында - тұман, 15-20 м/с екпінде жел күтілуде.
Шығыс Қазақстан облысында сондай-ақ тұманды, күндіз желдің күші 15-20 м/с-қа дейін күшейеді.
Солтүстік Қазақстан, түнде Қарағанды және Павлодар облыстарының жекелеген өңірлерінде тұман сақталады.
Ақмола облысында тұманмен бірге көктайғақ болжануда.
Ал Оңтүстік Қазақстан облысында күндіз найзағай ойнап, 15-20 м/с жылдамдықпен соғатын желге шаңды дауыл араласады.