"20 тамыздан бастап Ұлттық банк жаңа ақша-несие саясатын қолға алды. Жаңа несие саясатының, яғни, инфляциялық таргеттеудiң мәнi - инфляцияны көздеу саясатына көшу. Инфляцияны көздеу саясатына көшу барысында 20 тамыздан бастап теңге бағамын бос жiбердiк. Теңге бағамы алғашқы күндерден бастап бiр доллар үшiн 255-258 теңге, қазiр 239-241 теңге аралағында жүр. Инфляцияны көздеу саясатының негiзгi мәнi - 2020 жылға дейiн бағаны тұрақтандыру. Бағаны тұрақтандырып, қымбаттауға жол бермеу үшiн 2020 жылға дейiн жылдық инфляцияны 3-4 пайызға дейiн түсiрудi көздеп отырмыз", - дейдi департамент директоры.
Оның айтуынша, 2016-2017 жылдарға арналған мiндет - инфляцияны 6-8% аралығында ұстап тұру.
"Жуық арада, яғни, 2016-2017 жылдары инфляция деңгейiн 6-8 пайызға жеткiзбекшiмiз. Барлық ақша-несие саясаты ендi соған бағытталатын болады. Бұған дейiн ақша-несие саясаты валюта бағамына негiзделiп келсе, қазiрден бастап инфляцияны 6-7 пайыз деңгейiнде, келешекте 3-4 пайызда ұстап тұруға бағытталатын болады",-дедi ол.