НҰР-СҰЛТАН. ҚазАқпарат - Қазақстандық Дмитрий Баландин Қытай астанасы - Бейжің қаласында өтіп жатқан Champion Swim Series турнирінің екінші жарыс күнінде брасс әдісімен 100 метрге жүзуде үшінші орын алды. Оның нәтижесі 1:00.00 көрсеткішін құрады, деп хабарлайды ҚазАқпарат.
Бұл қашықтықты 58.83.00 уақытта бағындырған қытайлық Ян Цзыбей бірінші орын алса, күміс жүлдеге 58.95.00 көрсеткішімен нидерландтық Арно Камминг ие болды.
Естеріңізге сала кетелік, Д.Баландин Оңтүстік Кореяның Шэньчжэн қаласында өткен жарыста бұл қашықтықты 1:00:55 көрсеткіші бойынша бағындырған болатын.
Бұдан бұрын Д.Баландин Қытайдың Шэньчжэн қаласында өткен Champion Swim Series турнирінің бірінші кезеңінде 100 метр қашықтыққа брасс әдісімен жүзуде үшінші орын алса , брасс әдісімен 200 метрге жүзуде де сол жетістігін қайталады.
Айта кетерлігі, ол 2019 жылы Оңтүстік Кореяның Кванджу қаласында өткен су спорты түрлерінен әлем чемпионатына іріктеу кезеңінде 59:09 көрсеткішіне қол жеткізген еді. Бұл Қазақстан рекорды ретінде тіркелді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.