Допты хоккей: Оралдың «Ақжайығы» негізгі қарсыластарының бірін ірі есеппен ұтты

ОРАЛ. KAZINFORM – Допты хоккейден жоғары лига командалары арасында бүкілресейлік жарыста Оралдың «Ақжайығы» «Жастар» стадионында «Никельщик» (Верхний Уфалей) командасын қабылдады.

Осыған дейін екінші топта Николай Шавалдин баптайтын оралдық клуб 30 ұпаймен көш бастаса, «Никельщик» (28 ұпай) екінші сатыда еді.

Бірақ қонақтар екі ойын кем өткізген болатын.

Бұл жолы «Ақжайық» сапында қос Максим – команда капитаны Өтебалиев пен ресейлік сұрмерген Пахомов үш-үштен гол соқты.

Қорытынды есеп – 6:1, «Ақжайықтың» пайдасында.

Ертең қос клуб екінші кездесуін өткізеді.

Еске сала кетейік, бұдан бұрын «Ақжайықтың» тартысты матчта қарсыласына есе жібергенін жазған едік.