ОРАЛ. 23 қаңтар. ҚазАқпарат - 22 қаңтар күні допты хоккейден Ресей чемпионаты жоғары лигасының екінші тобында өнер көрсететін Оралдың «Ақжайығы» өз айдынында Екатеринбургтің «СКА-Свердловск» командасын қабылдады.
Ойынның 22-минутта «Ақжайықтан» Дмитрий Пономаренко есеп ашқанмен, қалған голдар екінші таймда соғылды. Оралдықтардан Сұлтан Қадыржанов, Самат Аманшин және Петр Грибанов екі мәрте мергендік танытса, қонақтардан Дмитрий Полынский мен Дмитрий Харитонов қос доппен жауап қайырды. Сөйтіп «Ақжайық» 5:2 есебімен кезекті жеңісіне қол жеткізді.
Қоржынындағы ұпай қоры (32) молая түскен «Ақжайық» 23 қаңтар күні «СКА-Свердловск» командасымен қайта айдынға шығады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).