ОРАЛ. 20 қаңтар. ҚазАқпарат - 19 қаңтар күні допты хоккейден Оралдың «Ақжайығы» «Жастық» стадионында Верхний Уфалейдің «Никельщик» командасын қабылдады.
Қонақтар Ресей чемпионаты жоғары лигасы екінші тобында соңғы орында келе жатқан команда болғанымен, бірінші таймда Михаил Иванов пен Евгений Саломатов есіпті 2:0-ге жеткізді.
Екінші таймда «Ақжайық» жеңіске деген жігерін танытып, әуелі Александр Шавалдин есепті қысқартты. Содан кейін оралдықтар сапындағы мықты ойыншылардың бірі Петр Грибанов 57-інші және 87-минутта екі доп соғып, «Ақжайық» 3:2 есебімен жеңіске жетті.
20 қаңтар күні аталған командалар қарымта кездесуін өткізеді. Бұл ойыннан кейін 26 ұпай жинаған «Ақжайық» өз тобында бұрынғысынша үшінші орында келеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).