ОРАЛ. Қаңтардың 23-і. ҚазАқпарат /Ғайсағали Ералы/ - Швецияның Вестерос қаласында өтіп жатқан допты хоккейден әлем біріншілігінде Қазақстан құрамасы жартылай финалға шықты,
деп хабарлайды ҚазАқпарат тілшісі.
Қазақстандықтар кеше Норвегия құрамасын 7:2 есебімен ұтты. Норвегтер бесінші, Беларус құрамасы алтыншы орынға ие болды.
Қатарында Оралдың «Ақжайығының» да ойыншылары бар Қазақстан құрамасы ертең финалға шығу үшін айдын иелері Швеция хоккейшілерімен күш сынасады. Ал ресейліктер финдермен кездеседі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).