ОРАЛ. 11 қыркүйек. ҚазАқпарат - Орал қаласындағы №2 балалар-жасөспірімдер спорт мектебінің дойбышылар бапкері
Данияр Жұмагелдиевке «ҚР еңбек сіңірген жаттықтырушысы» атағы берілді.
Облыстық туризм, дене шынықтыру және спорт басқармасынан түскен мәліметке қарағанда, Даниярға аталмыш атақты ҚР Спорт және дене шынықтыру істері агенттігі көп жылғы еңбегі, өз міндетін адал атқарғаны үшін және дойбыдан әлемнің алты дүркін чемпионы Алтынай Жұмагелдиеваны тәрбиелегені үшін берген. Алтынай - Даниярдың өз қызы. Сонымен қатар бапкердің басқа да шәкірттері баршылық.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).