14:00, 09 Сәуір 2009

Дойбыдан ел біріншілігінен батысқазақстандықтар жеңіспен оралды

ОРАЛ. Сәуірдің 9-ы. ҚазАқпарат /Ғайсағали Ералы/ - Тараз қаласында дойбыдан ерлер, әйелдер және жастар арасында өткізілген ел чемпионатында батысқазақстандықтар жалпыкомандалық есепте бірінші орынды иеленді,

деп хабарлайды ҚазАқпарат тілшісі. Облыс құрамасының аға бапкері Данияр Жұмагелдиевтің айтуынша, айтулы додада №2 балалар мен жасөспірімдер спорт мектебі түлектері ерекше шеберлік үлгісін көрсетті. Әсіресе, әлем чемпионы Алтынай Жұмагелдиева, Альфия Қадырова, Нұрбек Ізбасар, Дмитрий Кузнецов, Іңкәр-Бегім Кереева, Кристина Литвиненко, Әлия Камалова, жеті жасар Айна Қабдірахимова алтын медальға қол жеткізіп, абырой биігінен көрінді. Сондай-ақ батысқазақстандықтар төрт күміс, үш қола жүлдені ұтып алды. Енді батысқазақстандықтар жастар арасындағы Азия біріншілігі мен әлем чемпионатына қатыспақшы.
Аймақ Спорт
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).