АСТАНА. ҚазАқпарат - Бүгін, 7 қазанда Өзбекстан астанасы -Ташкентте өтіп жатқан дзюдодан әлем чемпионатында қазақстандық екі балуан сайысқа түседі, деп хабарлайды ҚазАқпарат тілшісі.
Бүгін татамиге ерлерден Ғұсман Қырғызбаев (66 келі) шығады. Ал әйелдерде Гауһар Ирмағамбетова (52 келі) сынға түседі.
Дүбірлі дода 6-13 қазан аралығында өтеді. Онда еліміздің атынан барлығы 17 спортшы қатысады. Оның 9-ы ерлер, 8-і әйелдер арасында сынға түседі.
Іріктеу белдесулері 6-13 қазан сағат 11:30-да басталып, «Qazsport» телеарнасынан тікелей эфирде көрсетіледі.
Еске салсақ, бұдан ел құрамасынан Елдос Сметов әлем чемпионатының қола жүлдегері атанды.
Сондай-ақ Әбиба Абужақынова дзюдодан әлем чемпионатында үшінші орынға көтерілді.
Ашық көздерден алынған фото
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.