Қазақстан стратегиялық зерттеулер институтының директоры, сарапшы Ерлан Қарин терроризммен күресудің алғышарты жалпы қылмыспен күресу дейді. Бұл туралы ол Орталық коммуникациялар қызметінде журналистерге арнап өткен брифинг барысында айтты.
«Менің көзқарасым, менің жеке пікірім терроризммен күресудің басты алғышарты - жалпы қылмыспен күресу. Зерттеуімнің нәтижесінде байқағаным осы. Терроризммен, экстремизммен, басқа да осындай құбылыстармен тиімді күресудің ең басты алғышарты - жалпы қылмыспен жүйелі түрде күресу. Себебі, көптеген қылмыстық, террористік, радикалды топтар, Қазақстанда бұрын-соңды әрекет еткен көптеген топтар құқықтық органдардың назарына кездейсоқ түскен болатын. Яғни, басқа бір қылмыстық әрекет жасаған кезде көзге түскен. Сондықтан да, менің айтарым, тероризммен күресудің ең басты алғы шарты - жалпы қылмыспен күресу. Егер де біз жалпы қылмысқа тойтарыс беріп отырсақ , терроризмді әлсірететін еді»,-дейді Е.Қарин.