«Ең бірінші жаңашылдық электронды кедендік декларация рәсімдеуге басымдық берілгені, яғни кедендік декларация тек электрондық негізде толтырылады. Қағаз арқылы рәсімдеу тек электрэнергиясы болмағанда, форс-мажор жағдайларда ғана болады», - деп атап өтті комитетке қарасты кедендік бақылау басқармасы басшысының орынбасары Арман Жалитов.
Сонымен қатар тауар өткізу жылдамдығы да 1 жұмыс күнінен 4 жұмыс сағатына дейін қысқартылды.
«Транзиттік әлеуетті жақсарту мақсатында тауарды жіберу мерзімі 10 жұмыс күнінен 5 жұмыс күніне дейін азайды», - деп толықтырды Арман Жалитов.
Айта кетейік, аталмыш кодекске 2016 жылы 26 желтоқсанда ЕАЭО мемлекет басшылары қол қойған болатын.