АСТАНА. 21 қаңтар. ҚазАқпарат /Руслан Ғаббасов/ - Егеменді еліміздің ертеңі үшін аянбай қызмет етейік. Бұл туралы бүгін Мәдениет министрлігінің 2010 жылдың қорытындысына және 2011 жылғы міндеттеріне арналған кеңейтілген алқа мәжілісінде Үкімет басшысы Кәрім Мәсімов мәлім етті.
«Биыл - ерекше жыл. Барлығымыз бір жағадан бас, бір жеңген қол шығарып егеменді еліміздің ертеңі үшін аянбай қызмет етейік»,-деді Үкімет басшысы Мәдениет министрімен меморандумды бекіту барысында.
Айта кетейік, биылғы жылдың басынан бері министрліктер мен ведомстволардың өткен жылдың қорытындысы мен биылғы жылдың мақсат-міндеттеріне арналған алқа мәжілістерінде Үкімет басшысы министрліктердің биылғы жылға арналған мақсат-міндеттерін орындауға негізделген меморандумдарды әр министрмен бекітіп отырды.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.