Бұл туралы бүгін Алматыдағы Қазақ ұлттық аграрлық университетінде өтіп жатқан «Аграрлық ғылым, білім және өндірістің «Агробизнес-2020» мемлекеттік бағдарламасы бойынша жүзеге асыру» деп аталатын республикалық семинарда айтылды.
«Тыңайтқыш берілетін егіс алқабының көлемі Қазақстанда 1985-2000 жылдары 17253-тен 86 мың гектарға, ал пайыздық көрсеткіші 48,2-ден 0,5 пайызға дейін төмендеді. Бұл 2000-2010 жылдары 86 мыңнан 2472 мың гектарға, пйаыздық көрсеткіші 0,5-тен 12 пайызға ғана артты. Болжам бойынша 2015 жылы ол 9900 мың гектарға жетіп, 45 пайызды құрамақ», - дейді «Агроинновация және экология» ғылыми-зерттеу институтының директоры Рақымжан Елешев. ҚР ҰҒА академигінің айтуынша, әр гектарға берілетін тыңайтқыштың көлемі Нидерландыда - 716 кг, Германияда - 360 кг, Жапонияда - 387 кг, Францияда - 280 кг, Чехословакияда - 266 кг, Польшада - 201 кг, АҚШ-та - 84 кг, Қазақстанда - 1,6 кг. Осыған сәйкес онда алынатын өнім көлемі де төмен. Мәселен бидайдан әрбір гектарға шаққанда Нидерландыда - 5,3; Германияда - 4,4; Жапонияда - 2,7; Францияда - 4,1; Чехословакияда - 4,5; Польшада - 3,7; АҚШ-та - 3,1; Қазақстанда - 1,2 тонна өнім жиналады. Картопта да Нидерландыда - 36,8; Германияда - 28,4; Жапонияда - 23,4; Францияда 18,8; Чехословакияда - 23,1; Польшада - 15,1; АҚШ-та - 19,4; Қазақстанда - 16,6 тонна өнім алынады. Сол сияқты қант қызылшасында Нидерландыда - 47,7; Германияда - 45; Жапонияда - 48,4; Францияда - 41,6; Чехословакияда - 34,9; Польшада - 30,6; АҚШ-та - 29,5; Қазақстанда - 22,8 тонна ғана жиналады.