"Бүгінгі таңда біздің университетімізде 1500 оқытушы жұмыс жасайды. Олардың ішінде ҚР ҰҒА 37 академигі мен 700 ғылым докторы және кандидаттары бар. Мәселен, тек ветеринария саласында ғана біздің ғалымдармыз 800-дей дәрі-дәрмек шығарып отыр. Көрмені аралап көрген ҚР Президенті Нұрсұлтан Назарбаев оқытушылардың ғылыми жұмысына өз ризашылығын білдіріп, биыл 80 жылдық мерейтойын атап өткен жоғары оқу орнына көлік сыйлады", - дейді университет ректоры Тілектес Есболов.
"Аграрлық ғылым мен білім кешенінің 2020 жылға дейінгі инновациялық-индустриялық даму бағдарламасын іске асыру жолында" деп аталатын бұл көрме 5 бөлімнен тұрады. Оған агротехнологияның интенсивті тұрғыдағы озық үлгілері: ағаштардың. өсімдіктердің, жеміс-жидектердің, асыл тұқымды малдардың түрлері, ауылшаруашылық техникалары мен азық-түлік өнімдері, емдеу-профилактикалық және диагностикалық жұмыстар жүргізетін құрал-жабдықтар қойылған.