ОРАЛ. 27 қаңтар. ҚазАқпарат /Елжан Ералы/ - Елбасының бүгінгі Жолдауында айтылғанындай, ел бірлігін сақтау - әр азаматтың парызы.
Бұл туралы Орал қаласында тұратын соғыс және еңбек ардагері Қосаман Орынбасаров мәлім етті.
«Елбасымыз алға қойып отырған міндеттер бұрынғыдан да күрделірек, бұрынғыдан да маңызды. Сондықтан оны орындауға әр азамат үлес қосуы тиіс. Елімізде ауызбірліктен, достықтан артық ештеңе жоқ. Біз осыны сақтай білсек, қандай қиындық-дағдарысты да жеңіп шығамыз. Әсіресе, біздер, соғыс көрген ардагерлер тыныштықтың қадірін жақсы білеміз. Көп ұзамай Ұлы Жеңістің 70 жылдығы да тойланатын болады. Бұл ретте Елбасы тарапынан майдангерлерге қамқорлық ұдайы жасалып келеді. Алдағы уақытта да солай боларына сенімдіміз», деді Қ.Орынбасаров.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).