ОРАЛ. 6 желтоқсан. ҚазАқпарат - Жиырма жылға жуық кәсіпкерлікпен айналысқан кезде Елбасымен бірнеше рет жүздестім.
Бұл кездесулердің қай-қайсысы да, әрине, менің жадымда. Бұл туралы батысқазақстандық кәсіпкер, облыстық мәслихаттың депутаты Зинадбану Мусина мәлім етті.
Оның айтуынша, Нұрсұлтан Әбішұлы мемлекетіміз үшін сын сағатта ел тізгінін ұстады. Соған қарамастан тығырықтан шығатын ең дұрыс жолды тауып, Қазақстанды әлем таныған елдердің қатарына қосып отыр.
«Елбасының тікелей қамқорлығының арқасында елдегі шағын бизнес аяғынан тік тұрып, халыққа қалтқысыз қызмет етуде. Дүниежүзілік «ЭКСПО-2017» көрмесін Қазақстанда өткізу туралы шешім қабылданғанда, Елбасымыздың биік беделі ескерілгендігі даусыз. Сондықтан кәсіпкерлер ұдайы Президенттің командасында, өйткені ұлт көшбасшысы - ырыс-ынтымақтың ұйытқысы», деді З.Мусина.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).