АСТАНА. ҚазАқпарат - Бүгін Астана қаласында БҚО күндері аясында ұлттық спорт түрлерінен жарыс мәреге жетті, деп хабарлайды «ҚазАқпарат» тілшісі.
БҚО дене шынықтыру және спорт басқармасынан түскен мәліметке қарағанда, қазақ күресінен 70 келіге дейін салмақта Қорғанбек Молдашев (Астана) бірінші, оралдық Бекайдар Меңдешев екінші, тағы бір астаналық Данияр Темірханов үшінші орынға ие болды. 70 келіден жоғары салмақта Мерей Ибатов, Жанайдар Меңдешев, Бекайдар Меңдешев жүлделі орындарды бөлісті.
Көкпардан БҚО-ның Жәнібек, Зеленов және Ақжайық командалары алдыңғы үш орынды еншіледі.
Аударыспақтан 70 келіге дейін салмақта Нармағанбет Иманғазыұлы жеңімпаз атанса, Әділ Оңғарбаев пен Мақсот Ғалым сәйкесінше екінші, үшінші орынға көтерілді. 70 келіден жоғары салмақта Мейрамбек Құсайынов, Қолғанат Серіков және Жанәділ Ғазезов жүлдеге ілікті.
Сонымен қатар жамбы ату, теңге ілуден көрсетілімдер болды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).