ОРАЛ. 22 қаңтар. ҚазАқпарат /Елжан Ералы/ - Ерлердің ұлттық лига командалары арасындағы ел біріншілігінде Оралдың «Конденсаты» бесінші орында келеді.
Петропавл қаласында өткен екінші турдан кейін «Алматы» командасы 20 ұпаймен жекедара көш бастаса, хромтаулық «ТНК Қазхром» 17 ұпаймен екінші, Өскеменнің «ШығысҚорғасынҚұрылысы» 16 ұпаймен үшінші орынға жайғасты. Төртінші орындағы Петропавлдың «Есілі» мен «Конденсаттың» ұпайлары бірдей (13). Сондықтан оралдықтардың плей-офф бәсекелеріне қатысу үшін алғашқы төрттікке ілігуге мүмкіндіктері бар.
Ұлттық лига командалары арасындағы үшінші тур Алматы қаласында 11-16 ақпанда өтеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).