ОРАЛ. 18 сәуір. ҚазАқпарат /Елжан Ералы/ - «Еуразия банкі» АҚ тасқын судан зардап шеккендерге 5 млн. астам теңге көмек көрсетеді.
«Жайық Пресс» ақпарат орталығынан түскен мәліметке қарағанда, «Еуразия банкі» АҚ басқарма төрағасы Майкл Эгглтон табиғат апатынан зардап шеккендердің қолдаусыз қалмайтынын білдірген. Банк су, азық-түлік, жылы киімнен гуманитарлық жәрдем бермек. Сондай-ақ банктің әр зардап шеккен клиенті кез-келген несие бойынша үш ай бойына төлемін кейінге қалдыруға мүмкіндік алады. Бүкіл Қазақстан бойынша банк бөлімшелерінде қайырымдылық жәшіктері орнатылады. Тұрғындардың зардап шеккендерге салған салымдары айдың соңында екі еселенетін болады.
Банк барлық жиналған қаржының зардап шеккендер қолына тиетініне кепілдік береді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).