ОРАЛ. ҚазАқпарат - Футболдан Қазақстан чемпионатының бірінші лигасында өнер көрсететін Оралдың «Ақжайығы» жаңа маусымға дайындығын пысықтау мақсатында Түркияға аттанды.
«Ақжайық» футбол клубының баспасөз қызметінен түскен мәліметке қарағанда, батысқазақстандық клуб Анталияда оқу-жаттығу жиынын өткізіп, өз құрамын нақтыламақ. Команданы бұрынғыша өткен жылы Оралға келген Сергей Волгин баптайды. Басты мақсат - премьер-лигаға қайта оралу. «Ақжайыққа» негізінен жергілікті ойыншылар тартылмақ, сонымен қатар жаңадан келгендер де оқу-жаттығу жиыны барысында сыннан өтетін болады.
«Ақжайық» футбол клубы жаңа маусымда өз эмблемасын өзгертуді жөн санап отыр. Осы мақсатта байқау жарияланды. Конкурстық жұмыстар бір ай бойы іріктеліп, жеңімпаз анықталмақ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).