ОРАЛ. 15 наурыз. ҚазАқпарат - 15 наурыз күні футболдан ҚР чемпионаты премьер-лигасының екінші турында Оралдың «Ақжайығы» сырт алаңда «Таразбен» жасыл алаңға шықты.
«Ақжайық» футбол клубының баспасөз хатшысы Арсен Ғұбашевтің айтуынша, батысқазақстандықтар бұл ойында қорғанысқа көбірек көңіл бөліп, қарсы шабуылға шығып отырды. Осындай сәттердің бірінде 35-минутта «Ақжайықтың» жартылай қорғаушысы Николай Забродин есеп ашты. Он минуттан кейін «Тараздың» легионері Мирослав Лечич таразы басын теңестіріп кетті. Екінші таймда 1:1 есебі өзгерген жоқ.
«Ақжайықтың» осы матчта жеңіс добын салатындай мүмкіндіктері болды. Айталық, команданың сұрмергені Игорь Зенькович қақпашымен жекедара шығып, гол соға алмады.
Сөйтіп екі ойыннан кейін төрт ұпай жинаған батысқазақстандықтар келесі кездесуін 30 наурыз күні өз алаңында «Ақтөбе» командасын қабылдайтын болады. Өткен жылғы маусымда «Ақжайық» ақтөбеліктерді екі мәрте ұтқан болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).