ОРАЛ. 1 қараша. ҚазАқпарат - 1 қараша күні футболдан Қазақстан чемпионатында «Ақжайықтың» қосалқы құрамы «атыраулықтарды» қабылдап, 2:0 есебімен жеңіске жетті.
Екінші тайм басында Жұмағали Әлібаев есеп ашса, көп ұзамай Ринат Қасымгереев мергендігімен көзге түсті.
Сөйтіп «Ақжайық» екінші топта 23 ұпаймен жеңімпаз атанды.
2 қараша күні «Ақжайық» пен «Атыраудың» негізгі құрамалары биылғы маусымдағы қорытынды кездесулерін өткізеді. Сегізінші орында тұрған «атыраулықтар» үшін бұл ойынның онша маңызы болмаса, премьер-лигадан әлі де үмітін үзбеген оралдықтар барын салатыны анық.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).